Dagiti adda: Pres. Jose A. Bragado, V.P. Aurelio S. Agcaoili, Sec. Gen. Martin T. Rochina, Treas. Eden C. Bulong, Auditor Lorenzo Ilustre, Jr., PRO Ma. Rose A. Cabie, Dir. Pete Duldulao, Dir. Onofrecia I. Ibarra, Dir. Elizabeth M. Raquel, Dir. Guillermo Concepcion, Dir. Oswald A. Valente, Dir. William V. Alvarado, Ex-Officio Dir. Honor Blanco Cabie.

Dagiti awan: Business Manager Rey Andres, Dir. Arthur P. Urata, Dir. Mindo N. Aquino.

Kalpasan a linuktan ni Pres. Jose A. Bragado ti maikadua a miting ti GUMIL Filipinas Executive Officers ken Board of Directors (oras 11:21 A.M.), napagsasaritaan dagiti sumaganad:

1. Babaen ti mosion ni Pasado Pres. Honor Blanco Cabie ken pinasarunsonan ni V.P. Aurelio S. Agcaoili, naaprobaran ti Minutos ti napalabas a miting kas inaramid ti Sekretario Heneral.

2. Indatag ti GIN ti reportna kas napagnanamingan iti napalabas a miting. Adda dagiti financial statements a naidatag ket naited daytoy iti Tesorera tapno mataming ti umno a pannakairekordna. Adda pay dagiti saan a nalawag a partena ket napagnunumuan dagiti adda a kasaoda a nasayaat ni Mr. Virgilio Valdez tapno maurnos no adda ken no mano pay ti nasken a yintregana iti gunglo. Paset ti report nga indatag ni Dir. Ibarra ti naurnong a registration fee manipud kadagiti 140 a nagrehistro a delegado: P49,000.00; ti pinagbayad ni Valeriano Martin a P2,000.00 iti pakabuklanna a P51,000.00. Inreportna pay a da Guillermo Concepcion ken Pete Duldulao ti ad-adda a naturtoran a nagsolisit kadagiti donasion. Kasta met nga inikkanda kano iti Plaque of Appreciation ni Dr. Elias L. Calacal, presidente ti MMSU, gapu iti dakkel a naitulong daytoy iti napalabas a kombension. Kiniddawda ngamin a P16,000.00 la koman ti singiren ti unibersidad ket pinatgan met ni Dr. Calacal.

3. Kas kinuna ni Dr. Ibarra, inyawis kano manen ni Dr. Calacal a ti sumaruno a GF convention, maangay manen iti MMSU. Insingasing ni VP Agcaoili a maaramid koman ti MOA ta maikamakam a pirmaan ni Dr. Calacal sakbay nga agretiro kas presidente ti MMSU. Ngem naibabawi daytoy idi agangay ta mabalin a sabalinto met ti agbalin a panirigan ti sumukat ken ni Dr. Calacal ken kasta met a maikkan dagiti dadduma pay a chapter iti gundaway a kas co-host ti GF iti kombension.

   (Nag-recess ti miting iti 11:00 A.M. para iti nabaknang a pangaldaw nga insagut dagiti agassawa a Pres. Jose A. Bragado ken Dr. Crispina B. Bragado. Naituloy ti miting iti 1:00 P.M.)

4. Pinailawlawag ni Dir. Oswald A. Valente no umanayen ti certification kas resibo iti imbayadda iti Souvenir Program a saan a nairaman iti nasao a souvenir program.

5. Kinuna met ni VP Agcaoili nga adda opisial a resibona.

6. Kinuna pay ni VP Agcaoili a segun ken ni Maila Buan ti CCP, naaprobaran kanon ti P50,000.00 kas tulong ti NCCA para iti kalleppas a kombension. Kinunana pay a ti P50,000.00, mapan iti General Fund ti gunglo.

7. Kinuna met ni Dir. Ibarra nga inggudua ti bingay iti amin a napastrek iti kombension.

8. Kinuna pay dagiti taga-GIN a saan pay nga inyawat ni Virgilio Valdez ti nasingirna para iti souvenir program. Maidawat a yintregana koman dagitoy. Dinamag met ni Sec. Gen Rochina no mano ti singsingiren ti gunglo manipud ken ni V. Valdez. Indawat ni VP Agcaoili a maawis koma ni VV nga umatendar iti sumaruno a miting. Naaprobaran ti dawat ni VP Agcaoili.

   (Simmangpet ni Dir. William V. Alvarado iti 1:25 P.M.)

9. Naapresiar met ti tulong ni Dir. Valente para iti nasao a souvenir program. Napagsasaritaan pay ti pannakairaman ti nasao nga ads a nasolisit ni Dir. Valente a di nairaman iti souvenir program para iti sumaruno a souvenir program.

10. Kiniddaw ni Dir. Ibarra ken ni Treas. Bulong a maisabali koma ti kuenta ti Souvenir Porgram. Pinailawlawagna no kasano ti pannakapundo ti pasalip iti Avant-garde Iluko Poetry Writing Contest. Nailawlawag ken ni Dir. Ibarra a punpunduan daytoy ni Dr. Godofredo S. Reyes ket naideposito ti kuarta para iti salip iti account ti GF.

11. Napagnunumuan a ni Honor Blanco Cabie ti irekomenda ti GF a coordinator for Northern Luzon iti NCCA Committee on Literary Arts.

12. Napagnunumuan a ni Dean Gregorio T. Amano ti agbalin a baro a pangulo ti Committee on Constitutional Amendments ti GF. Kinuna met ni HB Cabie a masuratan koma ni Apo Prescillano N. Bermudez, dati a chair ti nasao a komite, no ania ti nagapuanan ti komitena.

13. Maadal pay a naan-anay ti maipapan iti Mutual Fund.

14. Para iti maaramid nga action plan ti GF, napagnunumuan a mairaman dagitoy:
    • Constitutional Amendment,
    • Mutual Fund;
    • Yearly Workshop para kadagiti mapili a mannurat;
    • Ti pannakaaramid ti proposal para iti GF Journal a maisubmit iti NCCA para iti kasapulan a pundo. Ni VP Agcaoili ti napusgan a mangaramid iti daytoy;
    • Pannakaaramid dagiti permanente a kameng ti Awards Committee;
    • Anthologies, c/o ni VP Agcaoili;
    • Para iti lote a naidonar iti gunglo, napagtutulagan a mapanto pasiaren ti grupo iti sumaruno a miting;
    • Nainaganan a mairaman kadagiti Board of Advisers dagiti sumaganad: D.S. Bulong, Juan S.P. Hidalgo, Jr., Col. Arsenio S. Sulquiano (ret.), Dean Greg Amano, ken Dr. Visitacion M.
    • naisubli ti adres ti gunglo iti Liwayway Publishing, Inc.
    • Maidawat kadagiti chapters ti napabaro a listaan dagiti kamengda;
    • Maidawat a maikkan iti transportation subsidy dagiti opisial;
    • Sourcing of funds para iti gunglo. Singasing ni Dir. Ibarra: mapaadda ti Trust Fund ket makiddaw kadagiti makabael a kameng ti hunta ti pannangtedda iti kuartada ket isurenderda laeng ti kitaenna nga interes tapno daytoy ti mangpadakkel iti pundo ti gunglo. Kinuna ni Dir. Ibarra a siaayat a mangted iti P50,000.00. Kinuna ni Sec.Gen. Rochina a padasenna ti mangaramid iti panagadal para iti daytoy.

15. Naikeddeng nga iti Agosto 22, 1999 ti pannakaaramid ti sumaruno a miting iti panangsangaili ni Dir. Elizabeth M. Raquel iti Darat Elem. School, Darat, Pinili, Ilocos Norte.

16. Kamaudiananna, nagyaman manen ti GF iti ayat da Pres. Ken Mrs. Bragado a nangsangaili iti gunglo.

Insaganana ni MARTIN T. ROCHINA. Pinatalgedan ni JOSE A. BRAGADO