Dagiti pagannurotan:

1. Silulukat ti salip kadagiti amin a mannaniw iti Iluko malaksid kadagiti kameng ti BANNAWAG nga agpaay a kameng ti Secretariat ken kadagiti kameng ti pamilia ni Dr. Godofredo S. Reyes.
   
   
2. Maysa laeng a set wenno reppet ti dandaniw ti mabalin nga isalip ti kada mannaniw. Buklen ti sangareppet a dandaniw ti 10 a daniw, a ti tunggal daniw, tamingenna ti maysa a suheto wenno subject matter.
   
   
3. Dagiti daniw a mangbukel iti sangareppet a dandaniw:
   
   
   • Daniw a Para iti Ubing
     
   • Daniw a Para iti Balasang
     
   • Daniw a Para iti Baro
     
   • Daniw a Para ken ni Nanang
     
   • Daniw a Para ken ni Tatang
     
   • Daniw a Para ken ni Lolo
     
   • Daniw a Para ken ni Lola
     
   • Daniw a Pangorona iti Ubing
     
   • Daniw a Pangorona iti Balasang
     
   • Daniw a Pangorona iti Misis
     
     
4. Nasken nga orihinal, di pay naipablaak, ken nangabak iti ania man a salip iti panagsurat, ti uray maysa laeng kadagiti daniw a mangbukel iti entry.
   
   
5. Saan nga ilanad ti mannaniw ti pudno a nagan ken adresna iti entryna no di ket ti parbo a naganna. Ilanad ti parbo a naganna ken paulo ti pakisalipna iti rabaw ti nakarikep a sobre. Iti uneg ti sobre, mailanad iti regular size a bond paper ti paulo ti entry, pudno a nagan ti mannaniw, adres, numero ti telepono no adda, ababa a pakasaritaan ti biagna, ken kaudian a ladawanna.
   
   
6. Idatag ti pakisalip iti lima a kopia (mairaman ditoyen ti orihinal), makiniliado wenno computer-typed iti doble espasio iti regular size a bond paper (8-1/2" x 11"). No computer-typed, agusar iti 12 a font size iti font type a Times New Roman, Book Antiqua wenno Arial. Masapul a nadalus ken nalaka a mabasa amin a kopia.
   
   
7. Ipatulod ti pakisalip, agraman ti narikpan a sobre a naagapad iti Pagannurotan Bilang 5, iti di naladladaw ngem Disiembre 31, 2000 itoy nga adres: Dandaniw Kagimongan, c/o BANNAWAG, Liwayway Publishing, Inc., 2249 Chino Roces Ave., 1231 Makati City.
   
   
8. Dagiti premio: Umuna a Gunggona, P5,000; Maika-2, P4,000; Maika-3, P3,000; Maika-4, P1,500 ken Maika-5, P1,000. Maipaayan pay dagiti mangabak iti Sertipiko ti Pammigbig. Mapadayawanto dagiti mangabak bayat ti kombension nasional ti GUMIL Filipinas a maangay iti Sto. Niņo Seaside, Tabucolan, Santa, Ilocos Sur inton Abril 20-22, 2001.
   
   
9. Saan a maisubli ti entry ti makisalip. Maibalakad ngarud iti makisalip a mangibati iti bukodna a kopia ti entryna. Ilibronto ti esponsor dagiti mangabak nga entry.
   
   
10. Di mabaliwan ti pangngeddeng dagin hurado. Maibabawi ketdi ti premio ti mangabak no matakuatan kalpasanna a linabsingna ti Pagannurotan Bilang 4.
    
    
11. Iti pannakisalip ti mannaniw, kaawatan nga inawatna dagiti pagannurotan.