Asino ti mangsangaili
iti millenium conference?
Agawaten ti GUMIL Filipinas iti "bid" manipud kadagiti amin a tsapter probinsial para iti pannakaangay ti komperensia ken literary seminar-workshop ti GF inton kalgaw ti umay a tawen.
Maibilang a naidumduma ti masungad a komperensia ta mairana a maangay daytoy iti pannakairubuat ti baro a milenium.
Makiddaw kadagiti ag-bid nga ilanadda iti singasingda dagitoy sumaganad: pakaangayan ti komperensia para iti 200-250 a delegado, pagturogan/kanen dagiti delegado, no mano ti masingir a registration fee, manamnama a dagup ti magasto, paggapuan ti pundo, program of activities, nagan dagiti lecturers, naisangayan a sangaili, kdpy.
Mapagnunumuan iti board meeting ti GF itoy a Nob. 14 no ania a chapter ti mangsangaili iti komperensia. Maangay ti miting iti Teppeng Cove, Sinait, Ilocos Sur, iti panangsangaili ni Retirado Koronel Lorenzo Ilustre, auditor ti GF.
|