Inangay ti GUMIL Hawaii ti tinawen a literary seminar-workshopna itay Setiembre 5-6 iti Jesse's Coffee and Restaurant iti North King St., Honolulu, Hawaii.

Daytoy ti maika-28 a panangangay ti gunglo itoy a panagiinnadal.

Kinuna ni Mrs. Pacita C. Saludes, presidente ti gunglo, a nairaman a naawis a nagsarita iti seminar-workshop da Dr. Benilda Aquino ken Dr. Precy Espiritu ti University of Hawaii at Manoa.

Naawis met kas naisangayan a sangaili ni Konsul Heneral Minerva Jean Falcon (anak ti Cagayan) ti Philippine Consulate General iti Honolulu.

Dimmar-ay pay iti seminar ni Jose A. Bragado, presidente ti GF, ken ti kaingungotna, ni Dr. Crispina B. Bragado, nambaranda a nakiinniliw kadagiti gagayyem ken kakabagianda iti Hawaii ken iti Seattle.