|
Dumanonkayo iti benneg ti Iluko eBook ti BALIKAS Online!
SAAN man a maudi ken saan man laeng a paudi ni Ilokano iti aniaman a rusuat wenno tarigagay iti aniaman iti siasinoman iti sadinoman--ket itoy a kaso wenno pagteng, ken ni mannurat nga Ilokano ken/wenno iti Literatura nga Iluko, partikular ditoyen ti GUMIL--kas koma itoy a kaaddana met kas paset ken makipagili iti makunkuna a cyberspace, a makiparpartisipar ken makiramraman iti aniaman a pasamak wenno aramid wenno pannakipagmuli itoy a yuyeng a digital ken/wenno tay-ak nga elektronik.
Isu man a no nalatak itan dagiti makunkuna nga ebook wenno electronic book--libro a maukag ken mabasa babaen ti computer wenno dagiti maus-uson a ramit wenno gamigam a nairanta a pagbasa/pagbasaan iti elektronik a libro (ebook reader devices/gadgets), natural laeng nga adda metten ebook nga Iluko nga aramid/pablaak dagiti mannurat nga Ilokano.
Ditoy a benneg ti BALIKAS Online, maiparang dagiti orihinal nga ebook nga Iluko ken dagiti dadduma a libro nga Iluko nga immuna a naiprinta, kangrunaan dagiti pablaak ti GUMIL Filipinas, a maaramidan iti ebook edition/version. Ditoy a masarakan dagiti Iluko ebook a mabalin a maala/ma-download a libre wenno mabayadan. Addan sumagmamano nga available nga ebook a mabalin a maala--kaaduanna ditoy ti libre, ken adu pay ti madama a maar-aramid a mapadaanan ditoy a benneg.
|
|
|