MAIKA-3 A BILANG ABRIL-MAYO-HUNIO 2000
Maika-33 a kombension ti GUMIL Filipinas... Baro a pasalip iti daniw ni Dr. Reyes...
 MAIKATLON a bilang daytoy ti BALIKAS. Nalabit, daytoy ti damo a pannakabasayo (iti printed a bersion) daytoy pagiwarnak ti gunglotayo. Nalabit, saannakay a napatulodan ni Apo Presidente Jose “Joe” Bragado kadagiti dua nga immuna a bilang daytoy. Ala, diyo koma pabasolen ni Apo Presidente. Isu ti mangigasgasto iti pannakaimaldit daytoy a pagiwarnaktayo a rumrummuar maminsan iti kada tallo a bulan. Dagiti editor daytoy a pagbasaan, dina pay ida mapagmerienda, kunayon sa. Ket awan la ketdin ti kautenna a pangibuson iti kopiayo, kaka. Siguro, nasayaat no tulongantayo ni Apo Presidente. Makagasgasto iti P1,800 para iti tunggal isyu daytoy a pagiwarnak para iti 300 a kopia. Kayatna a sawen a P6 ti bayad ti tunggal kopia. Saan pay a nairaman dita ti typesetting. Libre daytoy, courtesy ti Gemstone Publication & Services Corp. a mangipabpablaak iti YLOCO JOURNAL. Ket tapno maaddaankayo iti regular a kopia, nasayaat unay no ag-subscribekayo laengen. Gapu ta P6 ti bayad ti maysa a kopia, P24 ngarud ti bayad ti uppat a kopia a rummuar iti uneg ti makatawen. Buntokanyo iti P3 a para koreo iti tunggal bilang. Isu nga agbalin a P36 ti suskripsion iti makatawen. Ngem no mapagbalinyo a P40, nagsayaaten, apo, ta adda pangsullat kadagiti dadduma pay a paggastosan, malaksid iti igatang iti computer diskette no kasta nga ag-encode dagiti Editor, ken pangibuson iti diskette a kopia para iti Internet. Wen, a, addan iti Internet ti BALIKAS, kaka. Uray damagenyo ken ni Apo Roy V. Aragon ti St. Paul University, Tuguegarao City iti Cagayan. Ni ngamin Apo Roy ti mangmanmantiner iti website ti BALIKAS. Amin a tulong, iturongyo iti GUMIL Filipinas, c/o BANNAWAG, Liwayway Publishing, Inc., 2249 Chino Roces Ave., 1231 Makati City. Mayawat amin a tulong iti Tesorera ti GUMIL Filipinas. Amin a subscriber, mailista ti naganda ditoy BALIKAS. Ket maragsakankami a mangibaga a ti umuna a nagbayad a subscriber, isu ni Apo Hermenegildo A. Viloria. Nangipaayen iti tulongna a P200 ket addan daytoy iti ikut ti Tesorera (Basaen ti GUMILSURAT, Maika-2 a Bilang ti BALIKAS). Wenno no makitayo a personal ti Tesorera ti GUMIL Filipinas, sapay koma ta agtar-taraykayon a mapan mangyawat kenkuana ti tulongyo. Ibagayo a para iti suskripsionyo iti BALIKAS para iti agtultuloy a pannakaimaldit ti opisial a pagiwarnak ti gunglotayo.
CLES B. RAMBAUD |
 Aglawa iti 200 metro kuadrado Iti sao ken aramid, di agmawmaw ti saranay da agkaingungot a Dr. Godofredo S. Reyes ken Dr. Dedicacion Agatep-Reyes iti GUMIL Filipinas, ti gunglo dagiti mannurat nga Ilokano iti Filipinas ken iti ganggannaet, kas ipaneknek ti sabali manen a panangipakitada iti ayatda iti gunglo babaen ti panangidonarda iti lote a pakaipatakderan ti opisial a balay ti GUMIL Filipinas. Basaen ti pakabuklan daytoy a damag
GUMIL Hong Kong, mabuangay Sabali pay a sanga ti GUMIL Filipinas iti ganggannaet ti manamnama a mabuangay iti mabiit, ti GUMIL Hong Kong. Basaen ti pakabuklan daytoy a damag
Report ti Sekretario Ammuen ti minutos dagiti napalabas a miting ti GF (3rd Quarterly Meeting idi Agosto 22, 1999 ken ti 4th Quarterly Meeting idi Nobiembre 14, 1999). Basaen ti detalye dagiti minutos
Ti Pudno a Pakasaritaan ti GUMIL Ilocos Norte Panangatur kadagiti biddut ken pangnayon kadagiti nagkurangan iti sinurat ni Arnold Pascual Jose a pakasaritaan ti GUMIL Ilocos Norte a rimmuar iti libro a GUMIL Filipinas: 25 a Tawen (1968-1993), kangrunaanna iti insurat ni Apo Jose a: “Nailibay ti GUMIL Ilocos Norte iti agarup maysa a dekada (manipud 1979 agingga iti 1982) kalpasan ti maikadua a pannakabangonna.” Basaen ti pakabuklan daytoy a salaysay
Iti Bukodko a Panirigan... Maika-3 a serye iti in-inut a pannakaipablaak ti libro nga Iti Bukodmi a Panirigan: Tapno Makasuratka iti Daniw, Sarita, Salaysay ken Nobela da Jose A. Bragado, Dionisio S. Bulong, ken Casimiro Is. De Guzman, a damo a rimmuar idi 1978 ken nairanta para kadagiti agdadamo a mannurat. Basaen ti pakabuklan daytoy nga artikulo
Kaaduan iti Libro ni Hermie Viloria No kinnaaduan iti naipablaak a libro iti Iluko ti pagsasaritaan, awanen ti makaatiw pay ken ni mannaniw Hermenegildo A. Viloria ti Capangpangan, Vigan, Ilocos Sur. Basaen ti pakabuklan daytoy nga artikulo
Makisalipka met, Kaka! Ammuen dagiti agdama a pasalip iti literatura Iluko. Makisalip itan! Basaen ti detalye daytoy nga artikulo
Kastoy man, 'Tanud... Kolum ni Cles B. Rambaud maipapan kadagiti pasamak-pagteng iti GUMIL. Basaen ti pakabuklan daytoy a kolum
|
NAPALABAS NGA ISYU BILANG 1 BILANG 2 AGSURAT E-MAIL 1 E-MAIL 2 DAP-AYAN MAKIDAP-AY [registration required] MAKIDAP-AY [free for all] PAGPIRMAAN AGPIRMAAK NAGPIRMA 
Addan sumag- a naisar-ong iti BALIKAS DADDUMA PAY BURNAY TANGGUYOB
|