Sabali pay a sanga ti GUMIL Filipinas iti ganggannaet ti manamnama a mabuangay iti mabiit. Isu daytoy ti GUMIL Hong Kong.

Manamnama a buangayen ti dua a beterano a mannurat nga agpada a kameng ti GUMIL Metro Manila ti nasao a gunglo iti isasarungkarda iti dati a British colony itay agtapos ti Abril. Dagiti dua a mannurat: Mars C. Laconsay, manong ni dati nga LPI Editorial Director Greg Laconsay; ken retirado a police general Prof. John C. Castro, mannurat iti BANNAWAG.

Tubo ti Natividad, Pangasinan ni Apo Laconsay, dati a mannurat iti BANNAWAG; dati nga editor-in-chief ken Advertising Director ti Bulgar, nalatak a tabloid iti Kamanilaan; dati nga associate editor ti PNP Journal, ken founder/president/editor-in-chief ti Law and Order News Magazine.

Tubo met ti Ballesteros, Cagayan ni Prof. Castro, dati nga Assistant Editor-in-Chief ti PNP Journal ken dati nga editor-in-chief ti Philippine Law Enforcement Journal ti Philippine College of Criminology, ken agdama nga Associate Publisher/Executive Editor ti Law and Order News Magazine, malaksid iti adu pay a takemna.

Kinuna da Apo Laconsay ken General Castro a dagiti kameng ti Editorial Board iti Law and Order News Magazine (Hong Kong Support Group) nga idauluan ni Fely Pre Pugasen, Founding Chairperson/President ti International (Global) Unity Associates Foundation of Hong Kong, ti mangbukelto iti core group ti GUMIL Hong Kong. Agpaayto met da Apo Laconsay ken General Castro kas mamagbaga.

Malaksid ken ni Ms. Pugasen, adtoy dagiti dadduma a kameng ti Editorial Board: Benjamin P. Benabese, Editor Emeritus; Luz R. Pre, Senior Associate Editor; Lyndon P. Viloria, Associate Editor/Special Projects Director; Naty R. Parcasio, Associate Editor; Eufrecina Jarin, Acting Public Director & Circulation Manager; Marie P. Valera, Society Editor; Evelyn Aglibot, Acting Advertising Director; Elvira Guerrero, Acting News Editor; Evelyn Florentino, Acting Features Editor; Marla Valera, Chief Correspondent; Eva Bulusan, Supervising Correspondent; Zenaida Bio, Supervising Field Reporter; ken Yolanda Ting, Senior Correspondent.