Umuna a Gunggona (P7,500): Edilberto V. Santiago ti Laoag City babaen ti saritana a "Kadio Olso Non As Ladio"; Maikadua a Gunggona (P5,000): Julio V. Belmes ti Linasin, Bangued ken Malabbaga, La Paz, Abra babaen ti saritana nga "Anus, Bans!"; Maikatlo a Gunggona (P4,000): Cecilia R. Peta-Kuan ti Conconig East, Sta. Lucia, Ilocos Sur iti saritana a "Sambotem ti Maudi a Biahe, Uliteg"; Maikapat a Gunggona (P2,000): Eliseo B. Contillo ti Quinarayan, Narvaca, Ilocos Sur, "Padaya iti Tallo nga Aldaw"; ken Maikalima a Gunggona (P1,500): Fernando B. Sanchez ti San Nicolas, Pangasinan, "Sabawil".

Itoy a pasalip ti Pacioles Awards, ti panagsurat iti makapakatawa a sarita (humorous story) ti napagsasalipan. Inesponsoran daytoy dagiti annak daydi Don Vicente Pacioles ti Vigan, Ilocos Sur, iti panangidaulo ni Mrs. Benilda Pacioles-Ponce nga agtartrabaho ita iti Greece.

Dagiti naghurado: Dionisio S. Bulong, chairman; Jose A. Bragado ken Reynaldo A. Duque, kamkameng.

Umuna a Gunggona (P4,000): Johmar Rosario Alvarez ti Mabuttal East, Ballesteros, Cagayan babaen ti saritana a "Dagiti Simotsimot ken ti Maladaga a Leggak iti Gil-ayab ti Temtem"; Maikadua a Gunggona (P3,000): Clarito G. de Francia ti Lipit Norte, Manaoag, Pangasinan, "Rissik ti Sipnget iti Kaltaang ti Immuging a Rabii"; Maikatlo a Gunggona (P2,000): Eden Aquino Alviar ti Lapting, San Juan, Ilocos Norte, "Bar"; Maikapat a Gunggona (P1,000): Elmer L. Lopez ti San Lorenzo, San Nicolas, Ilocos Norte, "Tugot ti Kinatao"; ken Maikalima a Gunggona (P1,000): Alfredo Garcia Padios ti Simpatuyo, Sta. Teresita, Cagayan, "Demolision".

Ni Arsenio B. Cortez Sr, dati a presidente ti GUMIL California USA, ti nangilungalong iti pasalip iti suporta ti GUMIL California nga idauluan ita ni Rodrigo M. Dacanay.

Dagiti naghurado: Martin T. Rochina, chairman; Herman G. Tabin ken Cles B. Rambaud, kamkameng.

Umuna a Gunggona (US$300): Rufino S. Galing ti Kiat, Alilem, Ilocos Sur babaen ti saritana a "Ket Dimmanon Ti Lugan Ditoy Kiwas"; Maikadua a Gunggona (US$250): Jordan L. Angoay ti Poblacion, Banayoyo, Ilocos Sur, "Asuk ken Angep iti Ngatuen ti Suor"; Maikatlo a Gunggona (US$200): Rose Allibang-Espejo ti Quirino, Ilocos Sur, "Ti Abogado, ti Itneg, ti Alad, ken ti Tawid a Daga"; Consolation Prizes (sag US$50): Majelyn A. Monces ti Casilagan Norte, Banayoyo, Ilocos Sur, "Daton iti Umuna a Dekada"; Romulo B. Ramos ti Naguimba, Banayoyo, Ilocos Sur, "Umaliak Min-eyan, Bacsayan"; ken Pascual C. Paetan ti Poblacion Sur, Gregorio del Pilar, Ilocos Sur, "Ti Naperdi a Rangtay ken Tallo nga Agtutubo."

Ni Rodrigo M. Dacanay, mannurat ti Bannawag ken presidente ti GUMIL California USA a tubo ti Upland Ilocos Sur, ti nangesponsor iti pasalip.

Dagiti naghurado: Dionisio S. Bulong, chairman; Reynaldo A. Duque ken Linda T. Lingbaoan-Bulong, kamkameng.

Umuna a Gunggona (P5,000): Froilan Bersamina ti Dinaratan, Salcedo, Ilocos Sur babaen ti daniwna a "Dayyeng ti Nakaparsuaan ken Dadduma Pay a Dandaniw"; Maikadua a Gunggona (P4,000): Loreto A. Pablo ti Maxingal, Lallo, Cagayan, "Adalfa, Gamengnaka dagiti Tugot iti Panagliweng ti Duaribu a Siglo kdpy a Dandaniw"; Maikatlo a Gunggona (P3,000): Jenny Osana Agpalo ti Engineer's Hill, Baguio City, "Dagiti Bituenko kdpy a Dandaniw"; Consolation Prize (P1,000): Sonny Boy P. Pacursa ti Malinta West, Lasam, Cagayan, "Kayatko ti Agbalin a Seaman, 'Tang kdpy a Dandaniw".

Ni Apo Rizal R. Sahagun, edukador a tubo ti Dingras, Ilocos Norte ngem agnaeden iti California ti nangidonar iti premio dagiti nangabak ken isu pay ti chairman ti Sulquiano Awards. Ni met retirado a Koronel Arsenio S. Sulquiano, mannurat ti Bannawag, ti Honorary Chairman.