Bucaneg Awardees,
naammuan
Uppat a mabigbig a mannurat iti Iluko ti impaayan ti GUMIL Filipinas iti Pedro Bucaneg Award kabayatan ti maika-32 a komperensia nasional ti gunglo itay Abril 28-30 iti Sto. Niņo Seaside, Tabucolan, Santa, Ilocos Sur.
Daigi naipaayan iti kangatuan a pammadayaw manipud iti GF: Dionisio S. Bulong (Sta. Teresita, Cagayan), editor ti Bannawag; Manuel S. Diaz (Nagsaag, San Manuel, Pangasinan) ti Philippine Information Agency-Region 1; Casimiro Is. de Guzman (San Vicente, Urdaneta City), dati a news editor ti Bannawag, maraem a radio commentator iti Rehion I ken II ken dati nga Ari dagiti Bumubukanegan iti Pangasinan; ken Juan SP. Hidalgo, Jr. (Tomana, Rosales, Pangasinan), kakaisuna nga Ilokano a Gawad CCP Awardee sa Sining ken dati nga associate editor ti Bannawag.
Naipaayan dagiti awardees iti plake ti pammigbig ken medalion iti seremonia ti pammadayaw bayat ti "Rabii ti Kultura ken Pammadayaw" a naangay idi Abril 29 iti nasao a kombension. (Naadaw manipud iti Benneg ti Damdamag, Bannawag, Abril 24, 2000 a bilang)
|