MAIKA-4 A BILANG | HULIO-AGOSTO-SETIEMBRE 2000
|
Kombension ti GF, maangay inton Abril 20-22
Agbukar ita dagiti GUMIL
3 mannurat, timmulong
Kontitusion
Report ti Sekretario |
|
3 mannurat, timmulong iti Balikas
Agyaman ti GUMIL Filipinas kada Appo Amado I. Yoro ti Hawaii, Hermenegildo A. Viloria ti Vigan, Ilocos Sur, ken Pascual Paetan ti G. del Pilar, Ilocos Sur, iti pinansial a tulongda tapno rummuar daytoy a bilang ‘toy pagiwarnak ti gunglo. Nangipatulod ni Apo Yoro, presidente ti GUMIL Oahu, iti P1,000; P200 met ken ni Apo Viloria, dati a presidente ti GUMIL Ilocos Sur; idinto a P40 ken ni Apo Paetan, maysa kadagiti nangabak iti Ricardo M. Dacanay Literary Awards 2000. “Agyaman unay ti GUMIL Filipinas iti suporta dagitoy kakabsat a mannurat iti BALIKAS,” kinuna ni Jose A. Bragado, presidente ti GF, apaman a naammuanna ti panangipatulod dagitoy a mannurat iti tulongda nga inturongda kadagiti editor ti BALIKAS. Ni Apo Bragado ti solo a nangibaklay iti nagasto iti pannakaimaldit dagiti umuna a tallo a bilang ti BALIKAS. Ti Gemstone Publication & Services Corp. ti makaammo iti layout ken typesetting; ni met Roy V. Aragon ti Internet Center ti St. Paul University, Tuguegarao City, ti mangmanmantiner iti website ti pagiwarnak. Innem a pisos ti magasto iti pannakaimprenta ti kada kopia ti 300-ti-sirkulasionna a BALIKAS. |
 NAPALABAS NGA ISYU BILANG 1 BILANG 2 BILANG 3 AGSURAT E-MAIL 1 E-MAIL 2 DAP-AYAN MAKIDAP-AY [registration required] MAKIDAP-AY [free for all] PAGPIRMAAN AGPIRMAAK NAGPIRMA 
|