MAIKA-4 A BILANG | HULIO-AGOSTO-SETIEMBRE 2000
|
Kombension ti GF, maangay inton Abril 20-22
Agbukar ita dagiti GUMIL
3 mannurat, timmulong
Kontitusion
Report ti Sekretario |
|
Kombension ti GF, maangay inton Abril 20-22, 2001 Iti met laeng Santa, Ilocos Sur
Maangay inton Abril 20, 21, ken 22, 2001 ti Maika-33 a Kombension Nasional ken Literary Seminar-Workshop ti GUMIL Filipinas iti met laeng Sto. Nino Seaside, Tabucolan, Santa, Ilocos Sur ken iti panangsangaili met laeng ti gunglo. Daytoy ti napagnunumuan iti regular a board meeting ti GUMIL Filipinas idi Hunio 25, 2000 a naangay iti Child Jesus College, Caloocan City. Iti met laeng Sto. Nino Seaside ti nakaangayan ti Maika-32 a Komperensia ti gunglo idi Abril 28, 29, ken 30 itoy a tawen sa pimmasiar dagiti kameng ti gunglo iti Suso Beach iti maudi nga aldaw ti komperensia tapno imatanganda ti pannakaipisok ti time capsule iti lote nga indonar da agkaingungot a Dr. Godofredo S. Reyes ken Dr. Dedicacion M. Agatep-Reyes a pakabangonan ti pasdek a pannakaopisina ti gunglo. Inkeddeng ti hunta direktiba ti GF a maangay met laeng ti kombension iti Santa, I.S. iti panangsangaili ti GF tapno mabukodan ti gunglo ti ania man a maur-or a pundo; iti kasta, adda mausar a pangbangon, no di man pangileppasto, iti pasdek ti gunglo. Kinuna ni Jose A. Bragado, presidente, nga anianto man ti mapastrek iti kombension, mainayonto iti anianto man a makiddaw ti GF kadagiti turayen ti gobierno a nagkari a tumulong tapno mabangon ti pasdek ti gunglo. Paset ti kombension ti pannakapili ti “Miss GUMIL Filipinas 2001” babaen ti popularity contest. Makiddaw kadagiti amin a GUMIL chapters a makipartisipar iti nasao nga aktibidad. |
 NAPALABAS NGA ISYU BILANG 1 BILANG 2 BILANG 3 AGSURAT E-MAIL 1 E-MAIL 2 DAP-AYAN MAKIDAP-AY [registration required] MAKIDAP-AY [free for all] PAGPIRMAAN AGPIRMAAK NAGPIRMA 
|